Langileon Autodefentsa Sarea

Sarea

Denbora gehiegi daramagu hauek guztiak jasaten eta defentsarako unea iritsi zaigu. Aurrekoak ez dira norbanakoon arazoak. Aitzitik, bizirauteko helburuarekin beste batzuendako lan egiten dugunon arazo kolektiboak dira: hots, langile klasearenak. Gorriak ikusi ditugu eta dagoeneko ezer gutxi daukagu galtzeko. Estu gabiltza, bai, baina borrokatzea beharrezkoa izanen da egoera okertu nahi ez badugu. Nor bere bidetik ahula izanda ere, elkarlanean oinarritutako antolakuntzatik gure defentsari indarrez ekin diezaiokegu: auzo eta herrietan kideartean elkar babestuz, alegia, langile autodefentsa sareak bilbatuz.

Zer egiten dugu?

Iruñerriko auzo eta herrietan antolatzen gara lanean sortzen diren zuzengabekeriei aurre egiteko. Zurekin egoera aztertu ondoren, elkarrekin jarraibide bat eraikiko dugu. Guztion artean adostuakoari ekinez, beti ere, langileon defentsa kolektiboa erdiestea dugula helburu, bidegabekeriei aurre egin ahal izateko lan baldintza duinagoen alde. Elkartasun kolektiboan antolatutako langlieriak bakarrik lortu ditzake lan baldintza duinak.